Job Description
Likar du å arbeide når alle andre søv? Me søkjer deg som ynskjer arbeid på natt og vil ha 100 % fast stilling. Du vil vera ein viktig faktor for å skapa trygge og gode netter for våre bebuarar Me treng deg!
Arbeidsoppgåver:
- Ivareta pleie og omsorg for bebuarane om natta
- Observere og følgje opp helsetilstand og behov
- Dokumentere og rapportere etter gjeldande rutinar
- Samarbeide med kollegaer og andre faggrupper
- Bidra til tryggleik, trivsel og god kvalitet i tenesta
Kvalifikasjonar:
- Autorisasjon som helsefagarbeidar er ønskjeleg
- Assistentar med relevant erfaring eller interesse for arbeid innan helse og omsorg vert oppmoda om å søkje
- Gode norskkunnskapar, både munnleg og skriftleg
- Grunnleggjande digitale ferdigheiter
Personlege eigenskapar
Vi ser etter deg som:
- Er omsorgsfull, ansvarsbevisst og påliteleg
- Kan arbeide sjølvstendig og ta gode vurderingar
- Har gode samarbeidsevner
- Bidreg til eit positivt arbeidsmiljø
Voss herad tilbyr:
- Ei meiningsfull og variert stilling
- God opplæring og fagleg støtte
- Eit inkluderande og godt arbeidsmiljø
- Løn etter gjeldande tariffavtale
- Gode pensjons- og forsikringsordningar
Tilsetjing skjer på dei vilkår som går fram av lov- og avtaleverk. Det må leggjast fram tilfredsstillande politiattest før oppstart dersom stillinga krev dette.
Velkomen som søkjar – vi ser fram til å høyre frå deg!
Søknad
Voss herad ønskjer eit arbeidsmiljø prega av mangfald og inkludering. Vi oppmodar alle kvalifiserte kandidatar til å søkje, uavhengig av alder, kjønn, funksjonsevne eller kulturell bakgrunn.
Søk via søknadsportalen og legg ved relevante attestar, vitnemål og referansar. I samsvar med offentleglova § 25 kan opplysningar om søkjar verte offentleggjorde sjølv om søkjar har bedt om unntak frå offentleg søkjarliste.
Link til søknadsskjema: Søk her
Om arbeidsgiveren:
Livet er meir enn arbeid. På Voss kan du gå på ski om vinteren eller på fjelltur om sommaren, nokon et smalahove, høyrer på jazz eller driv med ekstremsport. Vossevangen er regionsenteret vårt. Me har eit godt utbygt næringsliv, er eit senter for utdanning i regionen og me er eit knutepunkt mellom aust og vest. Bergensbanen går gjennom Vossevangen, og me har godt togsamband til både Bergen og Oslo. Voss herad har om lag 16.000 innbyggjarar og er den største arbeidsgjevaren i bygda, med om lag 1350 tilsette. Nynorsk er administrasjonsmålet i Voss herad. Verdiane våre er profesjonell - påliteleg - skapande - inkluderande